حدوتة (شعر عامي)

شعر: مروة فتحي (الفرقة السادسة)

حدوته حلوة خلصت قبل ما نبتديها
حدوتة حلوة كنت انا و انت فيها
كان يا ما كان كنا سوا ماشيين
والفرحة جوانا تملي قلوب ملايين
والدنيا حوالينا مليانة بالرياحين
وصداقة عمر تجمعنا سوا اختين
فجاة......قابلنا الزمان قالنا علي فين
هو انتوا فاكرينها سايبة والضرايب فين
مش كفاية اني سايبكم في الصداقة سنين
لا مرة قلت افترقوا ولا اتخاصمتوا يومين
قلنا له روح يا زمن شوف حد غيرنا يخاف
صداقتنا دي للابد عليها متواعدين
مش ممكن هيفرقنا حد حتى لو كان مين
ضحك الزمان من قلبه وقالنا..............مساكين